O camiño de Portugal ten basicamente dúas rutas: unha que entra en Galicia por Tui cruzando o Miño por unha ponte e outra que entra pola Guarda despois de cruzalo río en barca. A primeira é coñecida como Ruta Central e procede de Lisboa ou de O Porto. A segunda, Ruta da Costa, iníciase en O Porto e vai recorrendo a costa portuguesa. Actualmente (dende hai uns 15 anos) estase a recuperar outra ruta, seica histórica, pero esquecida moito tempo, a chamada ruta do Interior. Esta comeza en Viseu, pasa por Vila Real e alí colle cara Verín onde enlazará co camiño do SE.

As dúas primeiras (Central e Costa) xúntanse en Redondela continuando así, xa unificadas, ata Santiago de Compostela.

Na ruta da Costa (unha vez en Galicia) pode visitarse A Guarda (co castro de Santa Trega), Baiona e Vigo. Na ruta do Interior pódese contemplar a Catedral de Sta. María de Tui (románico s. XII con reformas góticas posteriores). Máis adiante, xa co camiño unificado, pásase por Pontevedra onde se poden ver, entre outros, a Real Basílica de Santa María a Maior, extraordinario exemplo do gótico galego (s. XVI), e a peculiar Igrexa da Virxe Peregrina (do s. XVIII).